- 2018.05.15
點解屋企廁紙用得咁快？
叫咗你睇消委會嗰卷裝衞生紙測試報告啦！
個報告講吔嫁？
俾3秒時間你，呢2卷廁紙，邊卷重一些？
答案係左邊呢卷重D，淨重196克，呢卷比佢輕一半有多，只有85克，
其實消委會測試25款卷裝衞生紙，呢兩款分別係最輕同最重樣本。
咁我揀最重果款廁紙就得。
無咁簡單，測試發現25款廁紙嘅長度、同總面積，相差都達1倍左右
其中最少同最多張數嘅廁紙，相差159張！
咁我買1抽12卷廁紙，實抵用過10卷裝嘞掛！
消委會採樣檢視了3個品牌的相關產品，
發現其中2個品牌的12卷和10卷裝的每卷淨重，其實差唔多。
但有1款12卷裝樣本，每卷平均淨重比其10卷裝的少20克。
其實3層同4層紙，品質相差大唔大？
測試乾紙和濕紙的拉力強度，和爆裂強度，
綜合來看4層比3層紙樣本優勝，可能同多咗1層有關。
以5分最高，4款4層紙的紙張強度，均取得3分或以上
21款3層紙樣本中，只有不足3成取得3分或以上。
其中4款3層紙只取得2分，強度表現麻麻。
有D廁紙比較難沖散，有機會整塞個厠所，測試結果係點？
在容易沖散度測試中，呢5款樣本需較長時間才被沖散，
當中這3款樣本，只得1.5分，若家中沖廁水較少，又或廁所渠道易淤塞，就要留意了。
講咗咁多，我揀最貴果款買，斷估質素唔會差得去邊掛。
價錢和產品質素並無必然關係，
今次樣本平均每卷售價約$2.2至$4.2，差異接近1倍。
每卷價錢最高和最低樣本的總評，都只取得3分；
相反，呢兩款每卷價錢$2.7和$3.8的樣本，就取得4分。
我去買廁紙嘞！
喂，去超市睇有無優惠，有先好買！
無嘅話就去藥房買，會平D嫁！
仲要留意D咩？
買埋本選擇月刊返嚟，咁咪一清二楚囉。
想知更多，記得睇第499期，《選擇》月刊。